ငှက်ပန်ဇင်း

ငှက်ပန်ဇင်း
========

ချောင်းကမ်းထောင့်မှာ
လမုယေ ပင်စောက်
ခေါက်တုန့်ခေါက်ပြန်
လီယာဉ်ပျံယှောင် အတောင်ဖြန့်လို့
မတန့်မနား ငှက်အထာလေ
ဘာသာဘာဝ အစာရဖို့
ငါးရှာစားရေ --။

ဂြိုးယောင်လည်း မကြူတတ်
ဥသြယောင်လည်း မကျူးတတ်
ငှက်ဝါချေပိုင် တွတ်တီတွတ်တတ်
မမြည်တတ် --။

နာမည်က ပန်းဇင်း
ဘ၀က တံငါ
သမုဒ္ဒရာ ၀မ်းတထွာတွက်
သမ္မာအာဇီဝ ငါးရှာစားရေ --။

မြှုံးချေကိုလွယ် ကွန်ချေကိုထမ်း
ဖြားရီခမ်းကေ ငါးဖမ်းရေ --။

တနပ်စာ ၀မ်းစာရကေ
အိမ်ကမယား သမီးသားနန့်
မှိုဟင်းချေကို ငါးပိယေကြူကြူ
ငါးခုံးချေကို အိုးပူယေ ကပ်ကပ်
ခါးသီခါးသပ်
တောကြိမ်ဖူးကို တူးပါလားယောင်
မီးမှာညွှတ်လို့ ငရုပ်သီးစပ်စပ်
တို့စားကတ်တေ ကောင်းကောင်းရေ --။

နက်ဖန်ခါကို ငါကားမသိ
လာဖို့ရက်ကို တွက်လို့မပူ
လပပြင် ကောင်းခင်ဟင်းလင်း
အိမ်တန်းပျင်းမှာ
ဆီးလိပ်ဖွာ လျှိုက်ကာလျှူလို့
လူသူမနီး ကျွန်းတောရွာမှာ
လွန်ချမ်းအီးရေ အီးချမ်းရေ
သာယာအီးလေ သာစွလေ
ရခိုင်သားလေ သာစွလေ --။

(သာလှဦး)(မြောက်ဦး)
August 2nd, 2017 (ဗုဒ္ဓူးနိ)

ချစ်တေယေဇု

 ချစ်တေယေဇု
==========

ရင်မှာလည်း မီးလောင်
ရွာမှာလည်း ခွီးဟောင်။

ချမ်းအီးအီးနှင့်
တရီးနိုးခါ
မိုးလည်းစုန်းစုန်းလင်းလတ်ယာ။

တလင်းပြင်မှာ
နှင်းဖြောက်ဖြောက်နှင့်
ကောက်ရိုးပုံ နွားရုံနားမှာ
မီးလှုံသော်လည်း နောက်ကြောက မလုံ
တစိမ့်စိမ့်ကေ ဖြိန့်ဖြိန့်တုံလို့။

မထူးယာ
ဆောင်းကုန်သော်
နွားကြန်စုံကို ရောင်း၍တာဖြစ်
ပုယေမေကို ကောင်းကောင်းကြိုက်ကေ
ချစ်တေယေဇု
မိဖထံမှာ တင်ကာတောင်း
ပေါင်းကတ်ဖို့ယာ။

စကားကလည်း မတူ
အသားကလည်း မဖြူ
ပရံလူကို မကြည်ဖြူကေ
မေကြီးဖြူမှာ မပူလီကဲ့
မျက်ရည်ယိုပျာ မငိုလီကဲ့
အိမ်ပေါ်ထက်က ချလို့နှင်ကေ
အယင်ပြီးလတ်
မိုးကြိုးပစ်လည်း ပစ်လီပတ်စီ
အချစ်မေလေ ပုယေမေထွီး လှမေကြီးကို
ဘိုးသီးပိုးလို့
ခိုးလီဖို့ယာ --။

အောင်လှခိုင် (ဒိုက်ကလူ)
March 14, 2021 (Saturday) (စနီနိ) (10:54 AM)